============
--== أنا لي كنت ==--
--==*==--
أنا لي كنت نقرة، ورجعت نحاس
أنا لي كنت بلار، وهلكني التهراس
أنا لي كنت كريم، وكلاوني الناس
أنا لي كنت عمود، وتهدم لي الساس
أنا لي كنت عزيز، وأيامي عراس
أنا لي كنت عاقل، وليت مهواس
أنا لي كنت عين، أوخوا لي الكاس
أنا لي كنت ماضي، وحفا لي الفاس
أنا لي كنت بير، ترجاني الاغراس
أنا لي كنت حرير، ومشا لي اللباس
أنا لي كنت فايق، ما نعرفشي نعاس
أنا لي كنت الشوى، ورجعت ترفاس
أنا لي كنت سنان، اومشاو لي الضراس
أنا لي كنت بالكمية، وعلقو لي الخراس
أنا لي كنت غراف، اومشا لي الطاس
أنا لي كنت قايد، دايرين بيا الحراس
أنا لي كنت فاطن، غرقت فالوسواس
أنا لي كنت هاني، وليت ديما عساس
أنا لي كنت نقـرة، ورجعت نحاس
--==*==--
نظم محمد زلماضي المزالي
--==*==--
*
* * *
Aucun commentaire:
Enregistrer un commentaire