*
--==*==--
الدونيت دليخرت
--==*==--
*
أرتالا تاسا فالدونيت سول تسين
إيزد السلامت نس أتفل ما كيسن
--==*==--
أور تللي تكمي خ تاسكاين نلموت
أبلا تاللي ايبنا يان أورتا يفووت
--==*==--
إيخ تبنا س لخير تاستواياس
نيخ تبنا س ﯖار مايسكر ايداياس
--==*==--
مانيكان إيكلدان خ كتكلديت نسن
إيسوتن سلكاس لموت أمسوي نسن
--==*==--
لاموالنخ إي يمكوسا نسمونتن
تيكومانخ إي يخربان نبنوتن
--==*==--
منشك دلمداين أي بنان خيكالن
كان إيخربان إيدبانسن ما فتازالن
--==*==--
تسيود الموت كول ما يتاوخلاقن
مقار تيسسان نتات أوراس فاقن
--==*==--
إيرا يان أتوسعو. الزمان إيحنقتن
تاسا ترا أتبووه. الموت تسمونتن
--==*==--
هان تيروغدا تكا تاغارا إيصفان
تاموسني د تيليلا إيخ ايلها يان
--==*==--
إيمياكن ن لخير أيكان أوان
أفولكي دوجميل إيباب ايكنوان
--==*==--
تاغزنا د تيكناد أورار تمونان
تاسولت د تودرت أورار تيامان
--==*==--
إيقاند تاسا أتسن إيست اورومنخ
أورسيس سندخ ولا فكيخاس أولنخ
--==*==--
آدور تعولت فالدونيت دما كيس ايلان
ايقاند تامتينت أتك تمي ايكويان
--==*==--
سكر ايتكمي ايمال أمازال نس رضوان
الرسول أدجار د واللي تيبنان الرحمان
--==*==--
تادوارين وورغ المسك نس ايدقي
توكا نس الزعفران إلا كيس ايمغي
--==*==--
إيسافن نس أكفاي ن تامنت
إيغبولا نوامان ميمنين نكينت
--==*==--
وانا يران أيسغ خ لفرداوس تازدوغت
ايعمرت س تزاليت إيداوماس سموست
--==*==--
*
--==*==--
نظم : محمد زلماضي المزالي
--==*==--
*
*
أرتسغويوت أبنادم ليخك تورو ماك --==*==-- فرحن أيدارك أرضصان سوتلناك
غيلا سكر لخير خواس أومودو إيكاك --==*==-- تاضصا دلفرح ايخار سغويون فلاك
*
Aucun commentaire:
Enregistrer un commentaire